جنونی حسین ....

زینب ام الستر چانت بطفوف

الستر من ایضیج یلتف بیهه

طاری زینب اثم لا تحچون بی

زینب الله ما حچه ابطاریهه

زینب ابوگفتهه چان اشگد خشوع

چنهه وگفت حیدر ابمحرابه

لچن لو وگفت ابساحات البراز

اتلف زلم لو لفت العصابه

یاحسین ما حنو ظهرک عداک

الفسر ابمعناک طایح ما فهم

انته من تحنه تشد عزم القتال

الگوس من یحنه یشد عزم السهم

ابطیحتک ما طاحت الرایه بحیث

نزل جبراییل شال الرایه

حتی ینزع جنحه یوم الاربعین

ویه خدامک یجی مشایه

احنا حبیناک حب من الضمیر

مثل حب ظهر الفرس للفارس

تدری یمته انعوفک وننسه الغرام

اشوکت ما عافوک جون و عابس

احسین من ایغیب ... ابوفاضل یضییییج

الدنیا کلهه اتضیج تصبح هافته

یگعد ابمحرابه یحضن بلخیال

و یظل یشتم ریحت امصلایته

چان عباس ابعزم لمن یصول

الدنیا تهتز لون رفت رایته

الگال یتعب بلحرب چذاب اکید

لان وکت الحرب یاخذ راحته

..........................

                                                                                                      محمد لویمی